STOMATIT KASALLIGI VA UNI DAVOLASH USULLARI

Abstract

Stomatit — ogʻiz boʻshligʻi shilliq qavatining yalligʻlanishi hisoblanadi.  Stomatit mustaqil kasallik holida kechishi, shuningdek, boshqa kasalliklarning xarakterli (qizamiq, qizilcha,  kandidoz) belgisi boʻlishi mumkin. Yalligʻlanish  holati tilda boʻlsa — glossit, milkda boʻlsa — gingivit deyiladi, bulardan har birining oʻziga tegishli  belgilari bor.  Moddalar almashinuvi kasalliklari (avitaminoz, diabet), nerv va ichki aʼzolar kasalliklari, vitamin yetishmovchiligi, ichki sekretsiya bezlari faoliyatining buzilishi oqibatida ham  paydo boʻlishi mumkin.  Chekish, spirtli ichimliklarga ruju qilish, juda issiq yoki juda sovuq, nordon va shoʻr ovqatlar yeyish ham stomatitga sabab boʻlishi mumkin. Ayrim dorilarga nisbatan sezuvchanlik ortganda, xususan, oʻz-oʻzini davolaganda, balogʻatga yetish davrida, aql tish chiqishi qiyinlashganda ham  stomatit roʻy beradi.Stomatit  shakllari har xil boʻlishiga qaramay, ularning umumiy oʻxshash belgilari bor: ogʻiz boʻshligʻining shilliq qavati  atrofidagi toʻqimalar shishadi,  qizaradi, bezillab turadi, jagʻ osti limfa bezlari kattalashadi.