“QUR’ON QISSALARI” YO‘NALISHIDAGI ASARLAR TAHLILI
Ключевые слова:
Arabiston va Yaqin Sharqning islomgacha bo‘lgan tarix haqidagi qissalar Qur’on mazmunining muhim qismi bo‘lib, uning matnida juda ko‘p funksiyalarni bajaradi. Qissalarning o‘zlari ko‘pincha qat’iy vaqt oralig‘iga ega emas, shu bilan birga, ko‘plab mualliflar tomonidan voqealarning eng yorqin epizodlari eslatib o‘tiladi va shuning uchun ba’zi paytlarda Qur’on sharhining bir qismi sifatida amalga oshiriladigan maxsus izohlar tushunmovchiliklarga olib keladi.Аннотация
“Qur’on qissalari” yo‘nalishidagi ilk asarlar qatoriga mashhur tarixchi, hadisshunos, Qur’on tafsiri va islom huquqshunosligi bilimdoni Ibn Kasirning “Al-bidoyat va an-nihoyat” (arabcha “البداية والنهاية” o‘zbekcha “Boshlanish va nihoya”) nomli asarini qayd etish lozim. Ushbu asar o‘n to‘rt tomdan iborat bo‘lib, islom tarixshunosligiga oid eng taniqli ishlardan hisoblanadi. Kitob dunyoning yaratilishidan oxirigacha boʻlgan „universal” tarix va islom esxatologiyasini oʻz ichiga oladi. Kitobda paygʻambarlar va oldingi xalqlar haqida qissalar, Paygʻambarning siyrati va uning davrigacha boʻlgan islom tarixi haqida gapirilgan. Ushbu asardan mashhur “Qisas al-anbiyya (“Payg‘ambarlar qissalari) ham olingan bo‘lib, unda payg‘ambarlar hayotidan qissalar keltirilgan va asosan, Qur’on oyatlari va hadislarga asoslangan.
