OʻRTA MAKTAB OʻQUVCHILARI VA TALABALARNING BILIM OLISH VA TIL OʻRGANISHI UCHUN VAQTINI TOʻGʻRI TAQSIMLASHIDA KUN TARTIBINING OʻRNI

Аннотация

Ushbu maqola oʻrta maktab oʻquvchilariga, institut va universitet talabalariga oʻqish davomida uyga vazifalari va boshqa mustaqil ishlari uchun vaqt ajratish va boʻsh vaqtlaridan unumli foydalanishi uchun kun tartibi tuzishni oʻrganadi. Kundalik tartibini oldindan taxmin qila olish va nimani kutish kerakligini bilish talabalarga oʻzlarini ishonchli va xavfsiz his qilishlariga yordam beradi. Ilm-fan shuni koʻrsatadiki, izchillik yaʼni vazifalarni bir xil tartibda va kontekstda takrorlash xatti-harakatlarini odatga aylantirishning eng yaxshi usuli hisoblanadi. Taʼlim va ijtimoiylashuv bolalarni tarbiyalashning muhim jihatlari boʻlib, ular asosan odatga aylangan faoliyatlar orqali amalga oshiriladi. Uxlashdan oldin birgalikda ovqatlanish va uyqudan oldingi ishlarning muntazam tartibi kabi ishlar bolalarni uzoqroq va yaxshi uxlashiga xizmat qiladi. Yaxshi uxlash orqali esa miyyaning mukammal ishlashi va maʼlumotlarni aniq va tez qabul qilib olish mumkin.