МУСТАҚИЛЛИК ЙИЛЛАРИДА ЎЗБЕКИСТОН ЗИЁРАТГОҲЛАРИ БИЛАН БОҒЛИҚ ҚАРАШЛАР: ТАВСИФИ ВА ТАСНИФИ

Аннотация

ХХ аср охирларидаги ўзбек халқи ҳаётидаги энг муҳим воқеа, шубҳасиз давлат мустақиллигини қўлга киритилганлиги бўлди. Ўзбекистон Республикаси давлат мустақиллигини қўлга киритгандан сўнг халқимизнинг бой тарихига бўлган қизиқиш ва уни бугунги кун талаблари асосида ёритишга интилиш янада ошди. Тарихимизни ўрганиш, унга бўлган ҳаққоний муносабатни қарор топтириш ва ёш авлодни тарихий хотира билан қуроллантириш Ўзбекистон ҳукумати ва давлат раҳбарининг диққат эътиборида турган муҳим масалага айланди.[1] Ўтган йиллар мобайнида, Президентимиз ташаббуслари билан тарихий-маданий меросимизни ўрганиш ва тарғиб этиш, меъморий ёдгорликлар ва қадамжоларни сақлаш, таъмирлашга катта эътибор берилиб, бу соҳада улкан ишлар амалга оширилди.

[1] Каримов И.А. Тарихий хотирасиз келажак йўқ. -Т.: Ўзбекистон, 1998.–Б.5.