O’ZBEKISTON RESPUBLIKASIDA PUL-KREDIT SIYOSATI KO’RSATKICHLAR TAHLILIDA

Abstract

Koronavirus pandemiyasi va global inqiroz jahonning iqtisodiy jihatdan baquvvat davlatlari iqtisodiyotida ham sezilarli darajada ta'sir o'tkazdi. Tabiiyki, bu jarayon O'zbekiston iqtisodiyotini ham chetlab o'tayotgani yo'q. Davlatimiz rahbarining Oliy Majlisga Murojaatnomasida qayd etilganidek, 2021-yilda mamlakat iqtisodiyoti kamida 5 foiz oʻsishi maqsad qilingan. Biroq global iqtisodiyotdagi noaniqlik iqtisodiy oʻsishning qoʻshimcha zaxiralarini topish va safarbar qilishni talab etmoqda. Shu bois, Prezidentimiz barcha darajadagi rahbarlarga oʻz sohasi boʻyicha mahallalardagi holatni oʻrganish, “oʻsish nuqtalari”ni aniqlab, ularni rivojlantirish vazifasini qoʻydi. Iqtisodiy kompleks vakillarini mahallaga jalb etgan holda barcha organlar faoliyatini oʻzaro muvofiqlashtirish kerakligi va masalani joyida hal etish boʻyicha ularga barcha vakolatlar berilishi aytildi.

 Pullar mamlakat iqtisodiy rivojlanish darajasini aniqlovchi bir qancha iqtisodiy o’zgarishlarga kuchli ta’sir etgani sababli, pul-kredit siyosatining butun dunyo iqtisodiyotida ahamiyati dolzarb ekanligini ko’rsatib beradi. Pul-kredit siyosati davlatning iqtisodiyotni tartibga solish siyosatining asosiy asoslaridan biri hisoblanadi. Shu boisdan, respublikada inflyatsion jarayonlarning chuqurlashishiga yo’l qo’ymaslik, iqtisodiyotning pul mablag’lariga bo’lgan talabini qondirish, yurtimiz aholisi va xo’jalik yurutuvchi subyektlarning kredit institutlarining kreditlaridan foydalanish darajasini oshirish, milliy valyuta kurslarining barqarorligini ta’minlanishida muhim ahamiyat kasb etadi.